Dagurinn hófst á nokkrum léttum upphitunarleikjum þar sem þurfti meðal annars að bregða sér í hlutverk uppvakninga og samúræja. Að því loknu æfðum viðp okkur í að búa til sögur í sameiningu og fengum síðan að sjá þrjár bráðskemmtilegar útgáfur af sögu um syngjandi hurð. Eftir hádegið var farið í seinni hluta blindingsleiksins frá í gær, hlustað á sögu eftir H C Andersen og farið í stutta sirkusspuna. 
 

3. dagur - 8. júní

Við fórum í heimsók í Borgarleikhúsið í dag þar sem við fengum að skoða króka og kima baksviðs. Nutum þar góðar leiðsagnar Hafliða Arngrímssonar. Einna mesta athygli vakti að sjá þar sem verið var að búa til leikmynd og búninga fyrir Galdrakarlinn í Oz. Fórum í smá spæjaraleiðangur í Kringluna á heimleiðinni þar sem verkefið var að skoða áhugaverðar persónur sem á vegi okkar urðu. Eftir hádegið var farið í spuna byggða á sögunni sem við lásum í gær um drenginn sem kunni ekki að skjálfa.

4. dagur -  9. júní 

Eftir að hafa farið í nokkrar stuttar morgunupphitunaræfingar fengum við að slást í hóp með stórum hóp leikskólabarna sem voru að horfa á leiksýninguna Gýpugarnagaul í Gerðubergi. Eftir hádegi var spunnið út frá fyrirsögnum úr dagblöðum og urðu við það til nokkrir bráðskemmtilegir leikþættir. Þá hlustuðum við saman á söguna um Næturgalann og enduðum daginn á að færa hluta þeirrar sögu í leikbúning í þremur hópum.

5. dagur - 10. júní

Það var unnið af miklum krafti í dag. Eftir upphitun var farið í spegilæfingu þar sem krakkarnir sýndu mikla einbeitingu og að því loknu í spunaæfinguna sívinsælu um puttalinginn. Svo var skipt í hópa þar sem unnir voru leikþættir út frá hugmyndamiðum með fjórum stikkorðum. Eftir það var haldið áfram að vinna með söguna um næturgalann. Unnið í þremur hópum með seinni hluta sögunnar. Þar með var fyrstu viku námskeiðsins lokið og komið að löngu helgarfríi.

6. dagur  - 14. júní

Eftir langt og gott helgarfrí hittumst viða aftur í Gerðubergi. Fórum í stutta upphitunarleiki en síðan beint í spunana. Fyrst var það hættuspuni þar sem tveir hópar léku ferðalanga sem lentu í fimm mismundandi hættum, allt frá kviksyndum til eldgosa. Síðan var skipt í þrjá hópa sem fengu hugmyndamiða með þremur orðum sem þau áttu að flétta samana við eitthvað úr sögunni um næturgalann. eftir hádegið lásum við söguna Snædrottninguna sem síðan var leikin í þremur hlutum af jafn mörgum hópum.

7. dagur - 15. júní

Við byrjuðum daginn á nokkrum einbeitingarleikjum þar sem krakkarnir stóðu sig með afbrigðum vel. Síðan komu skondnir spunar út frá dagblaðafyrirsögnum, en að því loknu var haldið áfram að spinna út frá sögunni um Snædrottninguna. Einbeittum okkur að tveimur afmörkuðum hlutum sögunnar og fengum margar góðar hugmyndir. Í lok dags var farið í óundirbúinn spuna þar sem túlkur þurfti að þýða fyrirlestur á bullmáli.

8. dagur - 16. júní

Fyrst á dagskránni í dag var hæfileikasýning þar sem þeir sem það vildu gátu látið ljós sitt skína á ýmsum sviðum. Við fengum að sjá töfrabrögð og dansa, heyra brandara, söng og hljóðfæraleik. Eftir það rifjuðum við aðeins upp það helsta úr spunum fyrri daga upp úr Snædrottningunni en skiptum síðan í tvo hópa sem unnu með tvo nýja kafla úr sögunni. Eftir hádegið var svo æfður ræningjadans undir stjórn Bergljótar en að endingu skipt í tvo spunahópa sem komu með sína útgáfu hvor af lokakafla Snædrottningarinnar.

9. dagur - 20. júní

Þá er síðasta vika námskeiðsins okkar hafin. Við byrjuðum á að vinna fyrst í þremur hópum með þrjá fyrstu hluta sögunnar um Snædrottninguna. Náðum að þróa þá heldur lengra en síðast. Um hádegið bættist lmyndlistrkonan Sari í hópinn, en hún ætlar að hjálpa okkur með útlit sýningarinnar. Eftir hádegishlé voru dansspor ræningjanna æfð af krafti. Byrjuðum svo aðeins að vinna í næstu þáttum sögunnar áður en við hættum.

10. dagur - 21. júní