VÖLUSPÁ

eftir Þórarin Eldjárn

Völuspá var frumsýnd í Möguleikhúsinu á Listahátíð í Reykjavík vorið 2000. Sýningin var tilnefnd til menningarverðlauna DV fyrir árið 2000 og hlaut Grímuna - íslensku leiklistarverðlaunin 2003

Verkið byggir á hinni fornu Völuspá og veitir áhorfendum sýn inn í hugmyndaheim heiðinnar goðafræði. Þar segir m.a. frá fróðleiksfýsn Óðins, græðgi í skáldamjöðinn, forvitni hans um nútíð og framtíð, Fenrisúlfi, Baldri, Loka, Hugin og Munin og ótal fleiri persónum.

Völuspá er nú tekin til sýninga á ný eftir nokkurra ára hlé.

Leikstjóri sýningarinnar er Peter Holst, Guðni Franzson stýrði tónlistinni í verkinu og leikmynd og búninga hannaði Anette Werenskiold. Á sviðinu eru Pétur Eggerz sem leikur öll hlutverkin í Völuspá og og Birgir Bragason, sem nú hefur tekið við af Stefáni Erni Arnarsyni sellóleikara.

Frá því Völuspá var frumsýnd hefur sýningin gert víðreist, m.a. verið sýnd á hátíðum í Rússlandi, Svíþjóð, Kanada, Finnlandi, Færeyjum, Bandaríkjunum Þýskalandi og Frakklandi.

Boðið er upp á sýningar á íslensku, ensku og sænsku.

Sýningar á Völuspá eru nú orðnar rúmlega170 talsins.

Völuspá er ætluð áhorfendum frá 9 ára aldri, en hentar sérstaklega vel elstu bekkjum grunnskólans og framhaldsskólum.

Sýningartími er 45 mínútur.

SMELLIÐ HÉR TIL AÐ LESA GAGNRÝNI UM SÝNINGUNA