|
ALLI NALLI OG TUNGLIÐ
Leiksýning byggð á sögum Vilborgar Dagbjartsdóttur
 Pössunarpíurnar Ólína og Lína eru mættar til að stytta ykkur stundir næstu þrjá stundarfjórðungana. Þær vita fátt betra en að vera með börnum, fara með þeim í leiki og gera annað skemmtilegt. Þær hafa líka ýmsar sögur að segja af honum Alla Nalla, sem var fyrsti krakkinn sem þær pössuðu. Þó Alli Nalli væri oftast góður og þægur átti hann stundum til að vera pínulítið óþekkur eins og aðrir krakkar. Eins og til dæmis þegar hann harðneitaði að borða grautinn sinn á kvöldin. Þá gaf mamma hans tunglinu grautinn og tunglið stækkaði og stækkaði ...
Bókin um Alla Nalla og tunglið kom fyrst út árið 1959. Það var fyrsta barnabókin sem Vilborg Dagbjartsdóttir skrifaði og jafnframt fyrsta bókin sem kom út eftir hana. Það er því vel við hæfi að fagna fimmtíu ára höfunarafmæli hennar með sviðsetningu á þessu ástsæla verki. Síðar komu einnig út barnabækurnar Sögur af Alla Nalla og Labbi pabbakútur, en það eru einkum þessar þrjár sem leiksýningin byggir á.
Leiksýningin Alli Nalli og tunglið var tilnefnd til Grímunnar, íslensku leiklistarverðlaunanna, sem barnasýning ársins 2009.
Fyrir áhorfendur á aldrinum 1 til 8 ára
Leikstjóri og höfundur leikgerðar Pétur Eggerz
Leikmynd og búningar Messíana Tómasdóttir
Tónlist Kristján Guðjónsson
Leikarar Alda Arnardóttir og Anna Brynja Baldursdóttir
SMELLIÐ HÉR TIL AÐ LESA GAGNRÝNI UM SÝNINGUNA
SMELLIÐ HÉR TIL AÐ SJÁ MYNDIR ÚR SÝNINGUNNI
|
